HTML weather
YoWindow.com yr.no
datporc.com Copyright © 2012

Ինստիտուտի շրջանավարտները


Հիմնադրման օրվանից ինստիտուտը տվել է հազարավոր  շրջանավարտներ, որոնց գերակշիռ մասն աշխատում են արտ. Երկրներում, ՀՀ  Ոստիկանության, Ազգային անվտանգության , Պաշտպանության և Արդարադատության նախարարությունների համակարգերում, փաստաբանական ծառայություններում, ժողովրդական տնտեսության տարբեր բնագավառներում, փորձագիտական կենտրոններում, զբաղեցնում են նաև բարձր պաշտոններ:
  Բավական է նշել, որ ինստիտուտի շրջանավարտ 2-րդ մասնագիտացմամբ Արտաշես Ջավադյանը ղեկավարում է ՀՀ գիտությունների ազգային ակադեմիայի “Փորձաքննությունների ազգային բյուրո” պետական ոչ առևտրային կազմակերպությունը և ներկայումս դասավանդում է բուհում: Վերջինս  նաև բնական գիտությունների եվրոպական ակադեմիայի պատվավոր անդամ է:
  Ինստիտուտի շրջանավարտ Արտակ Նիկողոսյանն աշխատում է Աբխազիայի Հանրապետության դատախազությունում, որպես կրիմինալիստ, բաժնի պետ, գնդապետ,Էդգար Այդինյանը` ԼՂՀ-ի գլխավոր դատախազությունում` որպես քննիչ, Միհրան Հարությունյանը ՀՀ արդարադատության նախարարության դատական ձգաբանության կենտրոնում, որպես ձգաբան-փորձագետ:        Օրինակները բազմաթիվեն` դատավորներ, նոտարներ և բազմաթիվ պետական ծառայողներ:
  Մտահոգ լինելով ինստիտուտն ավարտած շրջանավարտներին հետագայում աշխատանքով ապահովելու հարցով` ինստիտուտի ղեկավարության կողմից մշտապես աշխատանքներ են տարվել և տարվում գործատուների,  փորձագիտական այլ կենտրոնների ու կազմակերպությունների հետ`  շրջանավարտներին համապատասխան մասնագիտական աշխատանքներում տեղավորելու հարցերին աջակցելու վերաբերյալ:
  Վերը նշված խնդիրներն իրականացնելու նպատակով ինստիտուտը սերտ հարաբերությունների մեջ է գործատուների (պատվիրատուների), մի շարք կազմակերպությունների հետ: Պետք է նշել, որ ինստիտուտը վայելում է բազմաթիվ գործատուների անվերապահ վստահությունը, որի վկայությունն է այն, որ դրանցից շատերը գրավոր ձևով պատրաստակամություն են հայտնում ինստիտուտի շրջանավարտներին իրենց մոտ աշխատանքի ընդունելու հարցում:

Եթե ​​ռադիոն չի աշխատում, խնդրում ենք բեռնել եւ տեղադրել
wmpfirefoxplugin